A XXXV Mostra do Encaixe Deputación da Coruña confirmou, unha vez máis, que en Camariñas o fío non só tece encaixe, senón tamén emocións, encontros e futuro: 23.440 persoas achegáronse ao pavillón Víctor Vigo para vivir unha edición histórica que medra ano tras ano e que xa é un referente imprescindible da Semana Santa en Galicia. Entre días de cheo absoluto —cun venres inesquecible de 6.760 visitantes—, bo tempo e un ambiente único, a Mostra volveu encher de vida o municipio, dinamizando rúas, comercios e hostalaría, e demostrando que tradición e vangarda poden ir da man para atraer visitantes de todo o mundo. Unha edición que non só bate récords, senón que reafirma con forza que Camariñas é, máis ca nunca, o lugar onde o encaixe se converte en arte e en orgullo compartido.
GL_ES 
ES 
EN