Actualidade

Os produtos de encaixe e os desfiles da II Mostra Virtual atraen a 133.650 persoas

Este ano, polo cambio na natureza do evento con respecto á primeira edición, optouse por reducir o número de publicacións (56) gañando en calidade e organización. O que aumentou foi alcance medio, chegando a 2.386 persoas por post. Particularmente, as ofertas especiais dos postos participantes foron vistas por 61.018 persoas. A concelleira da Mostra, Encarna Liñeiro, clausurou a Mostra Virtual agardando “que en outubro, con tódalas garantías sanitarias, se poida celebrar a tan desexada trixésima edición da Mostra do Encaixe”.

05/04/2021

Remata unha semana de desfiles e comercialización do encaixe nas redes pola II Mostra Virtual

Este domingo 4 de abril de 2021 foi o último día no que os postos participantes ofrecerán a través das redes sociais do evento produtos relacionados co encaixe con ofertas especiais. Tivo lugar a clausura institucional e os espectadores puderon ver máis vídeos do certame de Jovenes Deseñadores e tamén tivo o seu espazo o voluntariado.

05/04/2021

Inauguración da exposición fotográfica “Palilleiras. Presente e Futuro”

Hoxe tivo lugar o acto inaugural da mostra, titulada ‘Palilleiras. Presente e futor’, formada polas fotografías dun proxecto da fotógrafa Ana García. Sandra Insua destacou que “poucos homenaxes son tan merecidos como este xa que as palilleiras son o maior símbolo de Camariñas e en moitas partes do mundo coñécennos grazas á súa labor”. O director de Comercio e Consumo, Manuel Heredia, explicou que “sempre estaremos ao lado do sector artesano e este é un dos máis destacados da comunidade”.

01/04/2021

Os stands da II Mostra Virtual comezan a difundir as súas ofertas especiais para o evento

Desde o martes e ata o domingo os 12 postos participantes ofrecerán a través das redes sociais do evento produtos relacionados co encaixe con ofertas especiais. Os espectadores poderán ver desde mañá os vídeos do certame de Jovenes Deseñadores e tamén terán o seu espazo as palilleiras, as nenas das escolas de palillo ou o voluntariado. Mañá, mércores 31 de marzo, inaugurarase ás 11 horas na praza da Insuela a exposición ‘Palilleiras: presente e futuro’. Desenvolverase principalmente a través da páxina de Facebook e tamén haberá contidos no Instagram e na canle de YouTube da Mostra.

30/03/2021

A Mostra do Encaixe de Camariñas estará presente en cinco millóns e medio de cupóns da ONCE

O Museo do Encaixe acolleu a presentación deste boleto, que se comercializará en 20.000 puntos de venta
Hoxe dá comezo unha semana de desfiles e comercialización do encaixe nas redes.

29/03/2021

Camariñas vivirá unha semana de desfiles e comercialización do encaixe nas redes pola II Mostra Virtual

A organización decidiu estender a toda a semana o evento, que se celebrará do 29 de marzo ao 4 de abril, para dar cabida a unha completa programación. O luns 29 de marzo producirase a apertura da II Mostra Virtual e, paralelamente, o Museo do Encaixe acollerá a presentación do cupón da Once coa imaxe da XXX Mostra do Encaixe de Camariñas Deputación da Coruña. Desde o martes e ata o domingo os postos participantes ofrecerán a través das redes sociais do evento produtos relacionados co encaixe con ofertas especiais.
Os espectadores poderán ver os vídeos do certame de Jovenes Deseñadores e tamén terán o seu espazo as palilleiras, as nenas das escolas de palillo ou o voluntariado. O mércores 31 de marzo inaugurarase na praza da Insuela a exposición ‘Palilleiras: presente e futuro’. Desenvolverase principalmente a través da páxina de Facebook e tamén haberá contidos no Instagram e na canle de YouTube da Mostra.

27/03/2021

Continúan as gravacións dos videos da II Mostra Virtual

Continua o proceso de gravación dos vídeos da II Mostra Virtual

Modelos locais do Concello de Camariñas son as protagonistas destes videos que se están a gravar arredor dos recunchos máis significativos do territorio municipal. Os autores de ditos videos son os estudantes do grao de Comunicación Audiovisual da Universidade da Coruña.

16/03/2021

A Mostra do Encaixe establece un convenio coa UDC para a realización dos vídeos da segunda Mostra Virtual

Hoxe tivo lugar unha reunión telemática de presentación e organización do proceso de gravación dos vídeos do certame de Xóvenes Deseñadores, que se publicarán en Semana Santa.

03/02/2021

A Mostra do Encaixe busca modelos locais para os desfiles da Mostra Virtual

A segunda Mostra Virtual busca modelos locais para participar nos vídeos das coleccións de Jóvenes Deseñadores. Calquera persoa que estea interesado ou interesada pode comunicalo por correo electrónico en dolores.lema@camarinas.net ou no teléfono 653 265 529. En Semana Santa publicaranse os vídeos do certame de Jovenes Deseñadores e, no mes de setembro como antesala da XXX Mostra do Encaixe sairán á luz os vídeos dos Grandes Deseñadores e Artencaixe.

30/01/2021

Actualidade da Mostra do Encaixe