Hoxe tivo lugar a inauguración oficial do evento, na que cortaron a cinta a alcaldesa de Camariñas, o presidente da Deputación, a subdelegada do Goberno e o delegado da Xunta. Sandra Insua salientou que “a Mostra, cada edición, leva algo de nós mesmos, o esforzo de quen a quere ver grande e medrando, a loita das mulleres que dan horas, días e meses para que o máis fermoso de canto pode saír das súas mans sexa portada de un evento internacional”.

O acto oficial de inauguración terá lugar ás 16:30 horas e correrá a cargo da alcaldesa de Camariñas, o presidente da Deputación da Coruña, a subdelegada do Goberno e o delegado da Xunta de Galicia na Coruña.  En canto aos desfiles, nesta edición participan 13 Grandes Deseñadores, 40 Noveis Deseñadores, 11 artesáns do Artencaixe, o novo desfile de ReEncaixando, as Delegacións Internacionais, o PequEncaixe, e as Encaixeiras Sénior.