O Concello de Camariñas afianza a súa colaboración coa empresa Zara Home, do grupo Inditex, que acaba de comezar a comercializar dous novos produtos con encaixe de Camariñas: unha toalla de flocos (https://www.zarahome.com/es/toalla-lino-encaje-camarinas-l45592013?ct=true&categoryId=1020447643&pelement=519448415&colorId=741) e un set de dúas toallas (https://www.zarahome.com/es/toalla-lino-banda-encaje-camarinas-set-de-2-l45593724).
Esta é a segunda ocasión que Zara Home, dentro da súa aposta polo uso de de diferentes artesanías locais, se une a Camariñas e ao seu encaixe para sacar á venta produtos que incorporan esta artesanía milenaria. O departamento da Mostra do Encaixe volveu a encargar a execución do produto e a aplicación do encaixe ás asociacións locais Rendas e Puntillas.
Son dúas toallas de liño diferentes: a que leva flocos, que ten un tamaño de 50×90, e leva un aplique de encaixe; e por outro lado, as toallas do set, unha de 30×50 e outra de 50×90, teñen unha banda aplicada de encaixe.
A concelleira do Encaixe, Encarna Liñeiro, explica que “acabamos de vivir un gran momento coa colección cápsula de Pull&Bear e agora non podemos estar máis contentas de continuar a colaboración con Zara Home”. “Son procesos que levan moitas horas ata chegar ao produto final pero merecen moito a pena”, indica.
GL_ES 
ES 
EN