A XXXII Mostra do Encaixe de Camariñas Deputación da Coruña arrinca mañá con máis desfiles ca nunca

O acto oficial de inauguración terá lugar ás 16:30 horas e correrá a cargo da alcaldesa de Camariñas, o presidente da Deputación da Coruña, a subdelegada do Goberno e o delegado da Xunta de Galicia na Coruña.  En canto aos desfiles, nesta edición participan 13 Grandes Deseñadores, 40 Noveis Deseñadores, 11 artesáns do Artencaixe, o novo desfile de ReEncaixando, as Delegacións Internacionais, o PequEncaixe, e as Encaixeiras Sénior.

Mañá, mércores 5 de abril, arrincará a triséximo segunda edición da Mostra do Encaixe de Camariñas Deputación da Coruña, que contará, ata o domingo 9 de abril, con máis desfiles ca nunca: con 13 Grandes Deseñadores, algúns xa consolidados e outras novidades, 40 Noveis Deseñadores, 11 artesáns do Artencaixe, o novo desfile de ReEncaixando, as Delegacións Internacionais, o PequEncaixe, as Encaixeiras Sénior…

A inauguración oficial será mañá, mércores 5 de abril, a partir das 16:30 horas no pavillón da Mostra do Encaixe. Intervirán a alcaldesa de Camariñas, Sandra Insua; o presidente da Deputación da Coruña, Valentín González Formoso; a subdelegada do Goberno, María Rivas; e o delegado da Xunta de Galicia na Coruña, Gonzalo Trenor.

A apertura da trixésimo segunda edición da Mostra terá lugar antes, ás 15 horas, momento no que se iniciará o tradicional encontro de encaixeiras e encaixeiros da Costa da Morte no que tamén participará o alumnado das escolas infantís municipais.

Despois da inauguración institucional, ás 18:00 horas celebrarase o desfile PequeEncaixe, para posteriormente dar paso ao desfile de Grandes Deseñadores ‘A’ e ‘B’, que virá precedido da estrea das ‘Cancións Dance Camariñas’, unha iniciativa que será unha sorpresa para todas as persoas asistentes.

O custe será de dous euros para o pase ao recinto, e dous euros para cada desfile. Poderase adquirir un pase para a entrada ao recinto e un desfile por tres euros e un bono para a entrada ao recinto todos os días máis un desfile por día por doce euros

LEMBRAMOS DATOS

  • Día: 5 de abril 2025
  • Hora: 16:30 horas
  • Recinto: pavillón Víctor Vigo de Camariñas, rúa Eugenio López, 12
  • Intervirán: a alcaldesa, Sandra Insua; o presidente da Deputación da Coruña, Valentín González Formoso; a subdelegada do Goberno, María Rivas; e o delegado da Xunta de Galicia na Coruña, Gonzalo Trenor.

Cartel da XXXII Mostra do Encaixe de Camariñas

Cartel da XXXII Mostra do Encaixe de Camariñas

Posts relacionados

Máis talento para os desfiles de ArtEncaixe: Suso Calo – Lobo Tolo, Ondas do Mar e Mariví Santos Atelier 

Máis talento para os desfiles de...

O primeiro traerá á Pasarela Deputación da Coruña “unhas pezas inspiradas en deusas; será unha colección moi diferente a todas…
A olería de Buño retorna á Mostra do Encaixe con Feituras, O Rulo, Alfarería La Cacharrera e Risco Estudio

A olería de Buño retorna á...

Será na pasarela Deputación da Coruña, nos desfiles de ArtEncaixe, onde poidamos ver as creacións que combinan o Encaixe coas…
Lola Logaro, Ana Miguéns e Viviana Araujo sorprenderán no ‘ArtEncaixe’

Lola Logaro, Ana Miguéns e Viviana...

Lola Logaro presentará a súa colección ‘Prímula’, inspirada na primavera. Ana Miguéns chegará cunha colección de catro colares denominada ‘14’…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.