Será o sábado 16 de abril ás 22:00 horas na Praza do Mercado e, pola tarde, o pandereteiro fará un adianto sobre a pasarela da Mostra. Será o primeiro concerto ao aire libre deste ano para Xabier Díaz, que interpretará cancións do disco ‘As catedrais silenciadas’.
Modesto Lomba volverá esta Semana Santa a Camariñas tras non participar no desfile das dúas últimas edicións. “La vinculación con la artesanía es esencial para nuestro proceso de trabajo creativo y el encaje aporta la sutileza y finura del trabajo de las artesanas”, afirma.
Trala súa estrea na pasada edición, son 12 os artesáns que chegarán de toda Galicia. A aposta polo patrimonio da comarca materialízase neste caso nas coleccións que presentará a Olería de Buño, unha das novidades. A ONG Egueire intégrase este ano neste desfile, tras participar na trixésima edición.
Ao redor de 250 persoas asistiron no Palacio de Congresos de Calatrava a un desfile no que brillaron as coleccións de deseñadores que participaron nas últimas edicións. O público tamén valorou a creatividade das 12 coleccións de gañadores e finalistas do certame de noveis deseñadores. “Foi unha moi boa experiencia, pensamos que o público asturiano quedou encantado co que viu e invitámolos a vir á Mostra en Semana Santa”, explica Encarna Liñeiro.
O modelo, imaxe da trixésima edición do evento, ven de crear a empresa ‘Gubem Event’ para a organización de eventos. “O encaixe de Camariñas ten un potencial enorme e gustaríame darlle ese toque a maiores para achegalo á moda de Milan”, explica Damián.
O acto terá lugar o próximo sábado, 26 de marzo, ás 20 horas na Sala de Cristal do Palacio de Congresos de Calatrava.
No desfile participarán Dolores Cortés e Ana Cabranes como grandes firmas e tamén 12 coleccións de gañadores e finalistas do certame de noveis deseñadores. “Queremos continuar promocionando a Mostra fora das nosas fronteiras, escollemos Oviedo pola cercanía e porque son un público potencial que pode vir en Semana Santa”, explica Encarna Liñeiro.
Algúns dos deseñadores que participarán no concurso xa recibiron o encaixe, e noutros casos o material está en camiño para que poidan ter listas as súas pezas para o evento, que terá lugar do 13 ao 17 de abril.
As persoas interesadas en formar parte da familia dos voluntarios da XXXI Mostra do Encaixe poden chamar ou enviar mensaxe de Whatsapp ao teléfono 653 26 55 29 ou por correo electrónico no email dolores.lema@camarinas.net.
O Concello contratou unha inserción publicitaria para promocionar o evento durante toda a semana nas grandes pantallas de Callao e Gran Vía. A protagonista deste cartel, que non é o oficial, é Ainhoa Toba, voluntaria da Mostra do Encaixe.
Casa de Pedra de Camariñas
doloreslema.mostra@camarinas.net
Telf. 981 737 004 – Fax. 981 736 199
Encarna Liñeiro Pouso
encarna.lineiro@camarinas.net
Telf. +34 667 03 43 05
2022 © Concello de Camariñas – Tódolos dereitos reservados
