Ainhoa Conde inaugura as presentacións literarias da XXXII Mostra do Encaixe de Camariñas

A autora, nada en Cee, fixo unha fermosa interpretación do seu libro ‘Devotos do destino. Alén do Vilán’, unha obra de poesía que supón unha reflexión interna e de sentimentos por Galicia e o océano. O eido literario complementa unha programación variada que encherá de actividades culturais Camariñas durante cinco días.

A sala de desfiles da XXXII Mostra do Encaixe de Camariñas Deputación da Coruña acolleu hoxe a primeira das tres presentacións literarias que se celebrarán durante o evento. Ainhoa Conde, autora ceense, foi a encargada de estrear hoxe, xoves 6 de abril, esta programación literaria.

Ainhoa Conde fixo sobre a pasarela unha fermosa interpretación do seu libro ‘Devotos de destino. Alén do Vilán’. Trátase dunha obra de poesía que supón unha reflexión interna e de sentimentos por Galicia e o océano. Os fragmentos, baseados case na súa totalidade en vivencias da autora, reflicten 66 historias de amor, desalento, loita, sacrificio, alegría e morriña. Conde, nacida en Cee, compaxina a súa labor de poeta co traballo de inspectora de seguridade marítima.

Ainhoa Conde inaugura as presentacións literarias da XXXII Mostra do Encaixe de Camariñas

Ana de las Heras e Alfonso de Sas

Pola súa banda, o venres 7 de abril, ás 12:00 horas, será o turno para Ana de las Heras e o seu libro ‘Travesías del sentir’. A escritora ofrece neste volume un conxunto de relatos corto cheos de humor, maxia e transformación que narran o cotiá dun xeito sinxelo grazas a pór o foco nos pequenos detalles que fan grande a vida. Nacida en Madrid e afincada en Oleiros, De las Heras é enxeñeira industrial ademais de autora.

Por último, o sábado 8 de abril, Alfonso de Sas presentará ‘El Cementerio de Los Ingleses’. A partires das 12:00 horas o autor ourensán falará dun libro de ficción que está inspirado no naufraxio do HMS Serpent nas costas de Camariñas en 1890, motivo polo cal se construíu o mítico cemiterio do mesmo nome. Na obra explórase a relación que xorden como consecuencia da traxedia entre os residentes no lugar e os membros do Imperio Británico. De Sas, nado en Ourense, estudou Dereito e traballou en Comercio Internacional antes de decidirse, xa xubilado, a publicar a súa primeira obra.

Estas tres presentacións literarias son parte dun programa longo e variado que compón a XXXII edición da Mostra do Encaixe e encherá de actividade Camariñas durante cinco días.

Posts relacionados

Sastrecillo valiente será a homenaxe de Esteban Freiría ao traballo de todas as modistas e xastres

Sastrecillo valiente será a homenaxe de...

O deseñador vigués, afincado en Málaga, emprega nun 90% teas recicladas que combina co Encaixe de Camariñas, intentando que o…
Esteban Freiría e Claudina Mata, na  XXXIII Mostra do Encaixe de Camariñas

Esteban Freiría e Claudina Mata, na ...

O deseñador galego afincado en Marbella, Esteban Freiría, presentará unha colección na que mestura a moda urbana co encaixe. La…
<strong>Esteban Freiría converterá “en una discoteca de moda” a pasarela da XXXII Mostra do Encaixe de Camariñas</strong>

Esteban Freiría converterá “en una discoteca...

O deseñador galego, afincando en Marbella, repetirá na Mostra por noveno ano consecutivo e cree que “Camariñas está más de…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.