A firma de moda galega emerxente Anamingo presentará por primeira vez unha colección na prestixiosa pasarela Mercedes-Benz Fashion Week Madrid (MBFWM). A marca, que participou no desfile de Grandes Deseñadores da XXXIII Mostra do Encaixe de Camariñas Deputación da Coruña, dará a coñecer o 15 de setembro na capital de España a súa nova proposta, ‘Ajuar’, na que incorpora encaixe de Camariñas.
A colección ‘Ajuar’, profundiza na relación entre os elementos tradicionais do ajuar e as vivencias persoais que transforman un fogar co tempo. A través desta narrativa visual, Anamigo profundiza nas capas da memoria que os espazos domésticos acumulan. A colección evoca unha reflexión íntima sobre como os obxectos cotiás poden encherse de lembranzas y significado ao longo dos anos.
Para elaborar as súas pezas Anamingo contou con diversas colaboracións, entre as que a propia firma destaca “el apoyo del Concello de Camariñas con la incorporación del tradicional Encaixe de Camariñas en varias prendas, con un enfoque y revalorización de la cultura y la artesanía en una propuesta puramente contemporánea”.
Anamingo participa na MBFWM grazas á plataforma Allianz Ego, que apoia e promove o talento emerxente na moda española. Ademais, Anamigo foi seleccionada como unha das finalistas para optar ao Premio Mercedes-Benz Fashion Talent, un prestixioso galardón que desde o 2013 destaca por descubrir e dar visibilidade a deseñadores emerxentes, contribuíndo a consolidar as súas carreiras.
GL_ES 
ES 
EN