Estimados veciños e veciñas do Concello de Camariñas. É un orgullo para min, que formei parte dos voluntarios nas primeiras edicións da Mostra, ser a Concelleira de Cultura, Encaixe e Turismo e encargada da organización desta importantísima XXX Mostra do Encaixe de Camariñas. Como moitos de vos saberedes son filla e neta de palilleiras; aprendin a palillar de moi pequeniña, xunto a outras compañeiras miñas, na casa da mítica palilleira camariñana “A Casmaia”.
Hoxe vexo con orgullo como palillan as miñas fillas e como o noso patrimonio cultural e identitario máis importante sigue manténdose e crecendo a través das novas xeracións. Todo elo grazas ao empeño posto polos sucesivos gobernos do Concello de Camariñas que souberon protexer, dignificar e promocionar esta arte.
Nesta nova etapa do Concello de Camariñas continuaremos con ese tesón que nos transmitiron os nosos sucesores para conseguir novas metas que os tempos nos impoñen. Para min o Encaixe é a tradición, a cultura e a historia do noso concello. Unha seña de identidade que nos fai únicos no mundo. Porque existen moitos outros encaixes por todos os continentes, pero ningún como o noso: o Encaixe de Camariñas.
GL_ES 
ES 
EN