O departamento da Mostra envía 1.000 metros de encaixe aos 25 participantes do XXVIII Concurso de Noveis Deseñadores

Algúns dos deseñadores que participarán no concurso xa recibiron o encaixe, e noutros casos o material está en camiño para que poidan ter listas as súas pezas para o evento, que terá lugar do 13 ao 17 de abril.
Redacción
Redacción

Equipo de prensa da Mostra do Encaixe de Camariñas

Share on whatsapp
Share on facebook
Share on linkedin
Share on twitter

O Concello de Camariñas, a través do departamento da Mostra do Encaixe, fixo o envío de 1.000 metros de encaixe de Camariñas para que os 25 participantes do XXVIII Concurso de Noveis Deseñadores poidan preparar as súas pezas para o evento, que se celebrará do 13 ao 17 de abril de 2022, durante a XXXI Mostra do Encaixe De Camariñas.

Os concursantes serán: José Daniel Teriffe, Egoitz Ruíz, Candela Mondelo e Natalia María González, Pablo Buendía e Jacobo Martí, Uxía Rodríguez, Andrea Piñeiro, Josu Santos, Álvaro Castillo, Enrique Sánchez, Nahomi Jiménez e Raquel Marina Blanco, Enrique Llera, Cantia Aparicio, Joaquín Ruíz, Vanessa Parente e Beatriz Chan, Sofía Sánchez, Llucía Miravalles, Alicia Rocamora, Orlinda Armandina Anchundia e Luigi Maldera, Bimba González e a de Pablo González.

A procedencia dos noveis deseñadores é moi diversa, xa que virán desde Asturias, Alicante, Guipúscoa, Pontevedra, Zaragoza, A Coruña, Cantabria, Zaragoza, Murcia ou Madrid. Formáronse nas mellores escolas a nivel estatal.

Desde o departamento da Mostra do Encaixe animan aos deseñadores e as deseñadoras noveis “a xogar coa versatilidade do encaixe, feito polas expertas mans das palilleiras” e amosan as súas gañas por “ver o que nos teñen preparado para esta ocasión os rapaces e as rapazas”.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad