Presentación da equipación oficial da Escola de Fútbol Juan Cabrejo na Mostra do Encaixe

Redacción
Redacción

Equipo de prensa da Mostra do Encaixe de Camariñas

Os nenos e nenas das diferentes categorías da escola, acompañados polos seus adestradores, desfilaron na pasarela da Mostra para ensinar ás súas familias e ao resto do público presente na pasarela o ben que locen as súas novas equipacións.

O concelleiro de Deportes, Fabián Canosa, fixo un agradecemento aos clubes “Camariñas, Porteño e Camelle. Eles foron o que deron o paso decisivo para crear esta unión, que é unha unión de pobo”. “A ilusión que estamos a vivir hoxe aquí é a que transmitides cada fin de semana no campo de fútbol”, afirmou.

Fabián tamén salientou que esta é unha escola “na que se aprende a convivir, a respectar e a ser compañeiro. Esa é a clave para que teña presente e, sobre todo, futuro”.

Pola súa parte o coordinador da escola, Juan Cabrejo, destacou que “nun concello tan pequeno era importante aglutinar a canteira e creo que a iniciativa está a ser un éxito” e tamén fixo referencia a que “o deporte é un método fenomenal para transmitir valores, desde os máis pequenos aos máis maiores”.

Presentación da equipación oficial da Escola de Fútbol Juan Cabrejo na Mostra do Encaixe

Noticias relacionadas

Suscríbete a nosa newsletter

Entérate de todo o mundo da mostra

XXXII Mostra do Encaixe

Bases del Concurso de Jóvenes Diseñadores

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad