As principais novidades da XXXIII Mostra do Encaixe de Camariñas Deputación da Coruña son o novo desfile ‘ReEncaixame’ e o espazo gastronómico ‘Gourmet entre Encaixes’, dúas propostas para seguir diversificando o evento.
Hoxe foi a primeira vez que desfilaron na pasarela as diseñadoras participantes no ‘ReEncaixame’: Eli Conde, Yolanda Román, Luz Prado. Todas participaron nalgunha das edicións do concurso de Noveis Deseñadores e agora volven á Mostra dándolle unha volta as súas coleccións.
Este desfile é unha aposta clara pola sustentabilidade na artesanía e na moda. A finalidade é incentivar aos deseñadores e ás deseñadoras a reinterpretar unha colección non actual reutilizando tanto os tecidos como o encaixe de Camariñas. Deben amosar como reinterpretan e transforman as prendas nunha nova colección cun enfoque de reutilización de materiais e redución de desperdicio. Participan persoas que, sendo ou non profesionais da moda, participasen no Concurso de Jóvenes Deseñadores da Mostra do Encaixe de Camariñas Deputación da Coruña nalgunha das súas 29 edicións.
Por outra banda, o ‘Gourmet entre encaixes’, é un novo concepto de espazo dedicado ao sector alimentario no que se instalaron 13 postos e food trucks para a venta ao público de produtos gourmet de calidade: CienPorCel, K Dulce, Ibéricos de Salamanca, Pimentón La Ristra, Biconeta, Frigoríficos Canosa, Stolt Sea Farm, Bico de Xeado, Quesos Autor, Martietas de Fío, Pura Locura, Habelas Hailas e Mermeladas Amorodo.
GL_ES 
ES 
EN