Exaltación da gastronomía local con degustacións de produtos do mar na XXXI Mostra do Encaixe de Camariñas

Haberá degustacións gratuítas, presentando a entrada e ata acabar existencias, de polbo, rodaballo e caviar de ourizos. As empresas que participan son Stolt Sea Farm, Gallego Pereira, Frigoríficos Canosa e Pescados Pedreira. Ademais, Industrias Cerdeimar colabora desde hai 30 anos coa Mostra.

Os asistentes á XXXI Mostra do Encaixe de Camariñas Deputación da Coruña poderán desfrutar no recinto do evento de degustacións diarias de diferentes produtos do mar, unha acción encamiñada á exaltación da riqueza da gastronomía local.

O xoves haberá rodaballo cedido por Stolt Sea Farm, o venres polbo de Gallego Pereira, o sábado tamén polbo de Frigoríficos Canosa e na xornada de clausura os asistentes poderán gozar do caviar de ourizos de Pescados Pedreira.

A degustación de polbo e a de caviar de ourizos será nos stands que terá cada empresa no recinto mentres que a de rodaballo será no bar da Mostra. Todas serán gratuítas, presentando a entrada da Mostra, ata acabar existencias.

Ademais, Industrias Cerdeimar continúa colaborando coa Mostra desde hai 30 anos, como ven facendo desde os seus inicios, instalando o seu stand propio e aportando diferentes produtos en conserva.

“Este xa era un proxecto que tíñamos no ano 2020, cando tivemos que cancelar a Mostra pola pandemia. O obxectivo é levar a nosa riqueza ao interior da Mostra para que os visitantes coñezan as nosas empresas e o seu produto de calidade”, destaca a concelleira do Encaixe, Encarna Liñeiro.

Posts relacionados

Máis talento para os desfiles de ArtEncaixe: Suso Calo – Lobo Tolo, Ondas do Mar e Mariví Santos Atelier 

Máis talento para os desfiles de...

O primeiro traerá á Pasarela Deputación da Coruña “unhas pezas inspiradas en deusas; será unha colección moi diferente a todas…
A olería de Buño retorna á Mostra do Encaixe con Feituras, O Rulo, Alfarería La Cacharrera e Risco Estudio

A olería de Buño retorna á...

Será na pasarela Deputación da Coruña, nos desfiles de ArtEncaixe, onde poidamos ver as creacións que combinan o Encaixe coas…
Lola Logaro, Ana Miguéns e Viviana Araujo sorprenderán no ‘ArtEncaixe’

Lola Logaro, Ana Miguéns e Viviana...

Lola Logaro presentará a súa colección ‘Prímula’, inspirada na primavera. Ana Miguéns chegará cunha colección de catro colares denominada ‘14’…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.