Este venres 8 de octubre comeza o espectácula da XXX Mostra do Encaixe de Camariñas

12 grandes firmas, 11 participantes na sección ArtEncaixe, 24 noveis deseñadores, encontros de palilleiras e moito máis na XXX Mostra do Encaixe Deputación da Coruña. O evento arrincará mañá oficialmente ás 17:00 horas, e previamente celebrarase un Pleno extraordinario para investir a Xosé Luis Blanco Campaña como fillo predilecto do municipio.

Este venres 8 de outubro, arrincará o triséximo aniversario da Mostra do Encaixe Deputación da Coruña, que contará, ata o martes 12 de outubro, cun total de 12 grandes firmas, 11 participacións na novidosa sección ArtEncaixe, encontros de palilleiras, o concerto da París de Noia, música tradicional (a cargo dos grupos de gaitas ‘Abrindo Rejo’, ‘Con todo en banda’ e ‘Vaiche boa’), a presentación da plataforma en liña MerCamariñas, unha proxección tridimensional e diversas exposicións.

Previamente á inauguración oficial, que está prevista para mañá, venres 8 de outubro, ás 17:00 horas da tarde, celebrarase un pleno extraordinario da corporación camariñana para investir como fillo predilecto do municipio a Xosé Luis Blanco Campaña.

Na inauguración intervirán a alcaldesa, Sandra Insua; o delegado do Goberno, José Miñones; e o presidente da Deputación da Coruña, Valentín González Formoso.

Ás 18:30 horas celebrarase o desfile PequeEncaixe, para posteriormente dar paso á presentación da pasarela de grandes firmas co modelo internacional Damián Álvarez, e pechará a xornada o desfile de grandes deseñadores.

Lembrar que como o aforo será limitado, sempre tendo en conta a normativa sanitaria, será indispensable contar con entrada antes de acceder ao recinto habilitado. O custe será de dous euros para o pase xeral, dous euros para cada desfile e poderase adquirir un pase para a xeral e un desfile por tres euros. Será indispensable o uso de máscara sanitaria.

Desde a organización destacan a “relevancia de todo un triséximo aniversario, polo que levamos traballando durante máis de dous anos e agardamos que a realidade supere ás expectativas, que de por sí son moi elevadas”, transmiten.

Posts relacionados

41 promesas da moda participarán no XXXI Concurso de Noveis Deseñadores 

41 promesas da moda participarán no...

O Concello de Camariñas fixo pública hoxe, venres 15 de decembro, a lista das 41 persoas finalistas que participarán no…
Camariñas convoca as bases do XXXI concurso de Noveis Deseñadores da XXXIV Mostra do Encaixe

Camariñas convoca as bases do XXXI...

O prazo para presentar os traballos remata o 2 de decembro de 2024. Repartiranse 4.500 euros en premios, con galardóns…
Cristina Gamallo convértese na gañadora do XXX concurso de Noveis Deseñadores coa colección Camino

Cristina Gamallo convértese na gañadora do...

A xornada de clausura da XXXIII Mostra do Encaixe de Camariñas Deputación da Coruña serviu para coñecer aos gañadores do…
gl_ESGalego
Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidade