A EASD Mestre Mateo repite participación no desfile de ‘ArtEncaixe’ da Mostra

Esta será a súa segunda aparición na Mostra e farano de novo co alumnado de 1º curso de Xoiería.  “Presentaremos pezas vistosas enfocados a un desfile como tiaras, un colar para as costas ou pendentes ”, explica a mestra Ana Seara.

 O desfile de ‘ArtEncaixe’ continúa, ano a ano, gañando puxanza,  consolidándose e atraendo a artesáns de diferentes puntos de Galicia para demostrar que o encaixe é versatil e pode adaptarse a diferentes materiais. Neste caso, na XXXIII Mostra do Encaixe de Camariñas Deputación da Coruña repetirá participación a Escola de Arte e Superior de Deseño Mestre Mateo, de Santiago de Compostela.

Farano coa participación dos alumnos e alumnas do primeiro curso de Xoiería. “Para nós ten varios obxectivos: participar no desfile con xoiaría, e presentar as súas pezas en movemento, e facelo con modelos profesionais e cun público que recoñece a labor de axuntar artesanía e innovación en Galicia”, explica a mestra da EASD Mestre Mateo, Ana Seara. 

Ana adianta que “este ano levaremos pezas vistosas enfocadas a un desfile como tiaras, un colar pensado para as costas ou pendentes”. “Adoitan a ser de grandes dimensións, nas que traballamos principalmente co corte láser en base de madeira, por suposto aplicando o encaixe, e algunhas están policromadas con pan de ouro e pan de ouro oxidado, aproveitando que temos o modular de Dourado e Policromía na Escola”, engade. 

Para a EASD Mestre Mateo a experiencia do ano pasado “resultou moi positiva en tódolos sentidos. Permitiunos realizar un proxecto completo co alumnado de 1º curso, dende a idea persoal de cada un, facer probas e maquetas experimentando con diversos materiais que xeralmente non adoitamos a velos xuntos ou pensar en xoiaría”. 

Posts relacionados

A vicepresidenta do Goberno, Yolanda Díaz, loce uns pendentes de encaixe de Camariñas, agasallo do Concello

A vicepresidenta do Goberno, Yolanda Díaz,...

Sandra Insua reuniuse coa vicepresidenta do Goberno en FITUR e comprometeuse a enviarlle este produto. Yolanda Díaz agradeceu o detalle…
Trinta e cinco promesas da moda participarán no XXX Concurso de Noveis Deseñadores da Mostra do Encaixe de Camariñas 

Trinta e cinco promesas da moda...

Hoxe déronse a coñecer os noveis deseñadores finalistas deste evento, que pertencen a escolas de diferentes puntos de Galicia e…
Uxía Loureiro convértese na gañadora do XXIX concurso de Noveis Deseñadores coa colección A Orixe

Uxía Loureiro convértese na gañadora do...

Tecer, de Fabiola Santos Baña, acadou o segundo posto do certame, mentres que F.37, de Sofía Sánchez Rey e Santiago…
gl_ESGalego
Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidade