A cervexa ‘Serpent’ será presentada na XXXI Mostra do Encaixe de Camariñas

A presentación será o xoves 14 de abril ás 18:30 horas na zona de cafetería pero poderá desgustarse calquera día no bar. O seu creador, César de León, natural de Dor, explica que estamos falando dun “produto gourmet” e que o seu obxectivo “non é vender volume, é vender calidade”. Polo momento hai 3 tipos de cervexa ‘Serpent’: unha lager, unha pale lager e unha ipa.

A XXXI Mostra do Encaixe de Camariñas será o marco da presentación oficial ao público da cervexa ‘Serpent’, un proxecto de César de León, natural de Dor (A Ponte do Porto) e criado en Xaviña, que, como o seu nome indica, ten un vínculo indiscutible con Camariñas e a súa historia.

“O proxecto nace no 2000 pero, por temas económicos, non puiden sacala adiante ata o 2021, ano no que comezamos a montar a fábrica cervexeira nunha nave do polígono de Carballo, para no mes de novembro iniciar a fabricación”, conta César de León.

Explica que polo momento hai tres tipos de cervexas ‘Serpent’: “unha lager, a típica cervexa que bebe todo o mundo; unha pale lager, moi similar á lager pero cambian as maltas; e unha franciscana, que é unha ipa con bastantes notas florais e sabor a lúpulo”. Ademais, avanza que “queremos sacar en breve unha tostada e unha sen glute”.

Membros do concello coa concesión da cafetería da XXXI Mostra
Membros do concello coa concesión da cafetería da XXXI Mostra

A presentación destas cervexas no pavillón da Mostra será o xoves 14 de abril ás 18:30 horas na zona de cafetería, da que tamén se encargará o propio César de León e na que poderá degustarse calquera das tres ‘Serpent’ durante todo o evento.

A súa idea de futuro é “trasladar a cervexeira a Camariñas”. O que non cambiará é a esencia do proxecto xa que “o meu obxectivo non é facer unha gran distribución, a miña cervexa está deseñada para ser un produto gourmet, non quero vender volume, quero vender calidade”.

A día de hoxe calquera persoa pode atopar a cervexa ‘Serpent’ en: Camariñas, no restaurante O Bico, no Club Náutico de Camariñas, no Marina, no bar Ariño, no restaurante O Rojo; e n Vimianzo, en Carballo, no faro de Finisterre ou no faro de Carnota.

Posts relacionados

O encaixe traspasa fronteiras no desfile das Delegacións Internacionais da XXXIV Mostra do Encaixe

O encaixe traspasa fronteiras no desfile...

Chegan desde diferentes países: Arxentina, Bulgaria, Hungría, Italia, Portugal, Polonia e España. As voluntarias e voluntarios da Mostra son os…
Arrinca o XXXI Concurso de Noveis Deseñadores con 38 promesas da moda e estréase a ‘Firma Emerxente’

Arrinca o XXXI Concurso de Noveis...

Hoxe desfilaron pola pasarela da XXXIV Mostra do Encaixe os grupos ‘A’ e B’ do certame.  En total son 26…
O encaixe de Camariñas brilla con luz propia nas coleccións dos Grandes Deseñadores da Mostra 

O encaixe de Camariñas brilla con...

Son 10 as firmas que participan no desfile nesta edición: Ana Cabranes, Andion Clothing, Claudina Mata, Devota & Lomba, Franco…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.