12 grandes firmas, 12 na sección ArtEncaixe, 25 noveis deseñadores, VodaEncaixe, delegacións internacionais, palilleiras e moito máis na XXXI Mostra do Encaixe

O evento arrincará mañá oficialmente ás 17:00 horas co acto de inauguración no que participarán a alcaldesa de Camariñas, o presidente da Deputación da Coruña, a subdelegada do Goberno e o delegado da Xunta de Galicia.

Este mércores 13 de abril, arrincará a triséximo primeira edición da Mostra do Encaixe Deputación da Coruña, que contará, ata o domingo 17 de abril, cun total de 12 grandes firmas, 12 participacións na sección ArtEncaixe, 25 noveis deseñadores, o novidoso espazo de VodaEncaixe, encontros de palilleiras, os concertos de Xabier Díaz, Irma Macías ou El Combo Dominicano, música tradicional e moito máis.

A inauguración oficial será mañá, mércores 13 de abril, a partir das 17 horas no pavillón da Mostra do Encaixe. Intervirán a alcaldesa de Camariñas, Sandra Insua; o presidente da Deputación da Coruña, Valentín González Formoso; a subdelegada do Goberno, María Rivas; e o delegado da Xunta de Galicia, Gonzalo Trenor.

Ás 18:00 horas celebrarase o desfile PequeEncaixe, para posteriormente dar paso á pasarela de Grandes Deseñadores, coa actuación de Irma Macías para recadar fondos para a Asociación Ataxia STOP FA. Este ano, como novidade, o coordinador dos desfiles será o modelo internacional Damián Álvarez, a través da súa empresa Gubem Event.

O custe será de dous euros para o pase ao recinto, e dous euros para cada desfile. Poderase adquirir un pase para a entrada ao recinto e un desfile por tres euros e un bono para a entrada ao recinto todos os días máis un desfile por día por doce euros. Será indispensable o uso de máscara sanitaria.

LEMBRAMOS:

  • Día: 13 de abril 2022
  • Hora: 17:00 horas
  • Recinto: pavillón Víctor Vigo de Camariñas, rúa Eugenio López, 12
  • Intervirán: a alcaldesa, Sandra Insua; o presidente da Deputación da Coruña, Valentín González Formoso; a subdelegada do Goberno, María Rivas; e o delegado da Xunta de Galicia, Gonzalo Trenor.

Posts relacionados

Os escritores Antonio Puertas e Manuel Vázquez presentan as súas obras na XXXIII Mostra do Encaixe

Os escritores Antonio Puertas e Manuel...

O camariñán Antonio Puertas escribiu o libro ‘Camariñas meu curruncho, Beldoña miña barca’. Manuel Vázquez ‘O pracer da chuvia’, unha…
A vicepresidenta do Goberno, Yolanda Díaz, loce uns pendentes de encaixe de Camariñas, agasallo do Concello

A vicepresidenta do Goberno, Yolanda Díaz,...

Sandra Insua reuniuse coa vicepresidenta do Goberno en FITUR e comprometeuse a enviarlle este produto. Yolanda Díaz agradeceu o detalle…
Trinta e cinco promesas da moda participarán no XXX Concurso de Noveis Deseñadores da Mostra do Encaixe de Camariñas 

Trinta e cinco promesas da moda...

Hoxe déronse a coñecer os noveis deseñadores finalistas deste evento, que pertencen a escolas de diferentes puntos de Galicia e…
gl_ESGL_ES