A sala de desfiles da XXXII Mostra do Encaixe de Camariñas Deputación da Coruña acolleu hoxe a segunda das tres presentacións literarias que se celebrarán durante o evento. Ana de las Heras, autora madrileña afincada en Oleiros, foi a protagonista.
Ana de las Heras presentou o seu libro ‘Travesías del sentir’. A escritora ofrece neste volume un conxunto de relatos corto cheos de humor, maxia e transformación que narran o cotiá dun xeito sinxelo grazas a pór o foco nos pequenos detalles que fan grande a vida. Todo a través dun fío condutor: os faros. Nacida en Madrid e afincada en Oleiros, De las Heras é enxeñeira industrial ademais de autora.
A autora indicou que “estoy muy contenta de estar aquí” e explicou que “el libro está dedicado a mi padre, él fue el que me inició en el gusto por los viajes y para mí dedicarle este libro es honrarle”.
Alfonso de Sas
Mañá, sábado 8 de abril, Alfonso de Sas presentará ‘El Cementerio de Los Ingleses’. A partires das 12:00 horas o autor ourensán falará dun libro de ficción que está inspirado no naufraxio do HMS Serpent nas costas de Camariñas en 1890, motivo polo cal se construíu o mítico cemiterio do mesmo nome. Na obra explórase a relación que xorden como consecuencia da traxedia entre os residentes no lugar e os membros do Imperio Británico. De Sas, nado en Ourense, estudou Dereito e traballou en Comercio Internacional antes de decidirse, xa xubilado, a publicar a súa primeira obra.
Estas tres presentacións literarias son parte dun programa longo e variado que compón a XXXII edición da Mostra do Encaixe e encherá de actividade Camariñas durante cinco días.
GL_ES 
ES 
EN