Hoxe tivo lugar a inauguración oficial do evento, na que cortaron a cinta a alcaldesa de Camariñas, a vicepresidenta segunda do Goberno e o director xeral de Comercio. Sandra Insua salientou que “hoxe en día a Mostra e o encaixe son sinónimos de modernidade” e tamén que “en certo modo a Mostra é un acto de reivindicación do que é o feminismo, estamos rodeadas de mulleres talentosas, valerosas, fortes, empoderadas e boas”.