Fitur

Actualidade da Mostra do Encaixe

Sandra Insua presentando a Mostra en Fitur

Camariñas presentará a súa campaña turística e a a XXXIV Mostra do Encaixe en Madrid, na Feira Internacional de Turismo ‘Fitur’ 2025

Sandra Insua presentará o xoves 23 de xaneiro, no stand de Turespaña, a campaña turística para 2025 e a trixésimo cuarta edición da Mostra. 
O vídeo turístico e o cartel da Mostra lucirán nas pantallas de Callao e Gran Vía e tamén nas do Mercado de San Miguel durante toda a semana. 
Tamén se estreará en Fitur a camiseta oficial da Mostra, deseñada por Esteban Freiría.

17/01/2025

‘Camariñas está de moda’, a XXXII Mostra do Encaixe reivindica a relevancia da súa pasarela, do encaixe e do territorio

A trixésimo segunda edición da Mostra, que foi presentada hoxe ao público en FITUR no stand de Turespaña, destaca a influencia da súa pasarela de moda, a aplicación do encaixe como complemento e na roupa e as paisaxes do municipio. No vídeo promocional faise un percorrido por todas as parroquias do municipio a través dunha pasarela vermella, na que desfilan voluntarios e voluntarios da Mostra. Sandra Insua animou ao visitante a que veña a Camariñas en Semana Santa “a coñecer a nosa tradición” e asegurou que “vos quedaredes con gañas de repetir para coñecer máis do que somos e de todo o bo que nos rodea”.

19/01/2023
Imaxe do Cartel da XXXII Mostra do Encaixe de Camariñas

Camariñas presentará a XXXII Mostra do Encaixe en Madrid, na Feira Internacional de Turismo ‘Fitur’ 2023

Sandra Insua presentará a trixésimo segunda edición da Mostra o xoves 19 de xaneiro no stand de Turespaña. Darase a coñecer o motivo e o vídeo promocional do evento, que terá lugar do 5 ao 9 de abril baixo o lema ‘Camariñas está de moda’. O cartel desta edición mestura o encaixe, aplicado á moda, coa paisaxe máis recoñecible de Camariñas no mundo: o Cabo Vilán.. A Mostra volverá a lucir nas pantallas de Callao e Gran Vía durante toda a semana.

16/01/2023
Acto de presentación do spot da XXXI Mostra do Encaixe en Fitur

‘E ti, encaixas no paraíso?’, o chamamento da Mostra para dar a coñecer Camariñas máis aló da artesanía

Unha tradición milenaria e unha natureza fermosa e impoñente, a aposta da trixésimo primeira edición da Mostra, que foi presentada hoxe ao público en FITUR, no stand de Turespaña.
No vídeo promocional faise un percorrido desde a Virxe do Monte, lugar onde se atopa o paraíso, ata a duna rampante do areal de Trece, imaxe do cartel da Mostra.
Sandra Insua animou ao visitante a que “nos visite durante Semana Santa, asista á Mostra do Encaixe e aproveite para coñecer o fermoso patrimonio co que conta Camariñas, estou segura de que volverá”.
Ainhoa Toba, voluntaria da Mostra, é a protagonista do vídeo e tamén do cartel promocional que se proxectou toda a semana nas pantallas de Callao e da Gran Vía.

20/01/2022
Contacta coa Mostra

Casa de Pedra de Camariñas
doloreslema.mostra@camarinas.net
Telf. 981 737 004 – Fax.  981 736 199

Facebook-f Instagram Youtube
Concelleira Delegada

Encarna Liñeiro Pouso
encarna.lineiro@camarinas.net
Telf. +34 667 03 43 05

2022 © Concello de Camariñas – Tódolos dereitos reservados

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad