Despois de trinta edicións da Mostra do Encaixe podemos dicir que é o evento encaixeiro máis importante do mundo.  Para aquelas persoas que non saben nada da nosa Mostra  poderíamos definirlla como un encontro de palilleiras organizado polo Concello de Camariñas que se celebra sempre en Semana Santa no recinto feiral do Pavillón de Deportes de dito concello. Estas artesás, divididas en tendas, asociacións e particulares, proveñen en na súa gran maioría do propio concello, pero tamén asisten moitas da Costa da Morte, resto de Galicia e España. Á chamada da Mostra acuden incluso un número importante de delegacións extranxeiras que pasan estes días de vacacións na Vila das Palilleiras. Estas representacións extranxeiras proceden tanto de Europa como de outros continentes como América ou Ásia que se dan cita en Camariñas para intercambiar coñecementos e entablar relacións culturais. 

Pero a Mostra non só consiste niso, se non que tamén ten unha misión comercial para dotar ás palilleiras dun nucleo de ventas centralizado nun recinto feiral totalmente adaptado a donde asisten miles de persoas en tan só cinco días polos que transcorre a Mostra. Cada tenda de bolillos, artesá ou asociación de palilleiras pode dispoñer dun stand dentro do recinto feiral no que expoñer os seus traballos e así poder vendelos tanto a particulares como a empresas distrubuidoras. 

Pero a cousa non acaba aquí. A estes dous aspectos máis coñecidos que definirían á Mostra do Encaixe temos que engadir o importantísimo aspecto da moda máis vangardista. Unha das pasarelas máis importantes de España celébrase tódolos anos na Sala de Desfiles da Mostra do Encaixe. O codiciado Concurso de Nóveis Deseñadores, que selecciona entre centos de propostas a tan só dúas ducias de xoves promesas que presentan as súas candidaturas para participar neste importante escaparate da moda.  Todos estes deseños deben estar confeccionados con Encaixe de Camariñas. Deste certame saíron grandes nomes da moda española entre elas Sara Lage, José Matteos ou Amaya González.