A XXXVI Mostra do Encaixe de Camariñas Deputación da Coruña acolleu hoxe as dúas primeiras presentacións literarias das seis que se celebrarán durante o evento. Xesús Búa, Icía Varela e Xosé Manuel Varela foron os encargados de estrear hoxe, xoves 17 de abril, esta programación literaria.
O fotorxonalista Xesús Búa presentou ‘Homes e Mulleres de Sal e Ferro’, unha publicación que describe a xornada completa de traballo dos percebeiros e percebeiras de Camariñas e Muxía, en plena da Costa da Morte.
Seguiron a pandereteira Icía Varela e o especialista Xosé Manuel Varela coa súa publicación ‘Cantareiras’, un percorrido polo legado da música e a poesía popular, a tradición das pandeireteiras.
Josefina Campaña e Xan Fernández o venres
Pola súa banda, o venres 18 de abril, ás 12:00 horas, será o turno para Josefina Campaña e o seu libro ‘De niña artesana a mujer’. De seguido, ás 12:20 horas, fará o propio Xan Fernández coa guía ‘Camariñas, un mar de encaixe’, un acto presentado polo comunicador Marcial Mouzo.
O sábado 19, ás 11:40 horas, Alfonso de Sas presentará unha nova edición de ‘El Cementerio de los Ingleses’. Por último, o mesmo sábado, ás 12 horas, a fotoxornalista Ana García presentará a súa publicación ‘Mar de Ardora, Mar de Galicia’, un compendio de fermosas imaxes sobre a maxia que pode crear a bioluminiscencia mariña.
Estas presentacións literarias son parte dun programa longo e variado que compón a XXXIII edición da Mostra do Encaixe e encherá de actividade Camariñas durante cinco días.
GL_ES 
ES 
EN