30 anos na vangarda da moda
Deputación da Coruña

Comeza o reparto das 15.000 máscaras coordinadas pola Mostra

As máscaras para protexer aos camariñáns do corona virus
As máscaras para protexer aos camariñáns do corona virus
Comezouse polas persoas en situación de vulnerabilidade, supermercados, empresas, fábricas, estancos, confrarías e quioscos. O reparto veciñal farase a través de Correos. Para calquera dúbida habilitouse o teléfono da concelleira do Encaixe. Non son homologadas, polo que non poden ser empregadas no ámbito sanitario.
Redacción
Redacción

Equipo de prensa da Mostra do Encaixe de Camariñas

Share on whatsapp
Share on facebook
Share on linkedin
Share on twitter

O Concello de Camariñas comezou xa o reparto das 15.000 máscaras confeccionadas por preto de 50 voluntarias coordinadas desde a semana pasada polo departamento da Mostra do Encaixe.

Primeiramente están a distribuírse ás persoas en situación de vulnerabilidade e tamén en supermercados, empresas, fábricas, estancos, confrarías e quioscos. Cando se remate, terá lugar o reparto ao resto da poboación, que se fará a través de Correos para que cheguen a todos os fogares.

O goberno local puxo á disposición da veciñanza o teléfono da concelleira do Encaixe, Encarna Liñeiro, para xestionar calquera tipo de dúbida ou información sobre o reparto. O teléfono é o 667 03 43 05 e tamén pode empregarse para comunicar calquera tipo de urxencia na entrega das máscaras da que o Concello non sexa consciente actualmente.

As máscaras fabricáronse todas con tela dobre para maior protección. Foron 14.000 con material ‘tejido no tejido’ (TNT) que adquiriu o Concello e outras 1.000 con algodón 100% doado pola empresa Yutes, de Barcelona.

A concelleira do Encaixe, Encarna Liñeiro, quixo transmitir “tranquilidade” aos veciños e veciñas de Camariñas e asegurou que “chegará a todas as casas pero teñen prioridade as persoas en situación de vulnerabilidade e as que están traballando”. Ademais, lembrou que estas máscaras “non son homologadas polo que no poden ser utilizadas no ámbito sanitario”.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad

#IinformMyself