A coñecida orquestra París de Noia poñerá a nota musical na XXX Mostra do Encaixe de Camariñas Deputación da Coruña. A agrupación ofrecerá o sábado, 9 de outubro, un concerto especial dentro da súa ‘Xira no Camiño’ para conmemorar o trixésimo aniversario do evento.
O pase terá lugar no Porto de Camariñas, de 21:30 a 24 horas, e contará cun estrito protocolo sanitario que se adecuará atendendo ás restricións sanitarias vixentes no momento. O acceso ao recinto, que estará pechado, será limitado por cuestións de aforo e poderase entrar desde unha hora antes do comezo da actuación. Ademais, non estará permitido comer, beber ou fumar.
Por outra banda, os integrantes da orquestra París de Noia estarán presentes no recinto feiral da Mostra do Encaixe ese mesmo día ás 19 horas.
