O xurado profesional avalía as propostas dos participantes do XXVIII concurso de Noveis Deseñadores

O xurado está formado por Modesto Lomba, Felipe Santamaría, Franco Quintáns, Edith del Valle, Esteban Freiría, Amaya Fernández, Jorge de Álvarez e Inés Fernández. Ao remate dos desfiles tivo lugar o encontro entre grandes e noveis deseñadores. O pandeireteiro Xabier Díaz puxo a nota musical aos desfiles antes do concerto que ofrecerá ás 22 h. na praza do mercado.
Redacción
Redacción

Equipo de prensa da Mostra do Encaixe de Camariñas

Hoxe foi o día decisivo para os participantes do XXVIII concurso de Noveis Deseñadores da XXXI Mostra do Encaixe de Camariñas Deputación da Coruña. O xurado profesional estivo presente nos desfiles dos grupos ‘A’ e ‘B’ desta tarde para avaliar as propostas que presentaron os 25 mozos e mozas participantes.

O xurado está formado por Modesto Lomba (presidente), Felipe Santamaría, Franco Quintáns, Edith del Valle, Esteban Freiría, Amaya Fernández, Jorge de Álvarez e Inés Fernández. Valoraron aspectos como a aplicación do encaixe, a confección, a orixinalidade, a mensaxe…

Mañá, domingo 17 de abril, darase a coñecer o gañador ou gañadora do certame e o premio do xurado popular, que nos días previos avaliou as diferentes propostas dos noveis deseñadores chegados de diferentes puntos de España.

Ademais, ao remate dos desfiles tivo lugar o encontro entre grandes e noveis deseñadores ‘Falemos de moda’, un espazo no que os e as que se están a iniciar no mundo da moda puideron consultar dúbidas e coñecer as indicacións dos reputados profesionais.

Por outra banda, Xabier Díaz puxo a nota musical na pasarela, previo ao desfile de Grandes Deseñadores. Pola noite, ás 22 h., dará o concerto da XXXI Mostra do Encaixe de Camariñas Deputación da Coruña na praza do mercado.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad