As miles de persoas que pasaron esta tarde pola céntrica praza de María Pita, na Coruña, puideron desfrutar dun desfile-exhibición que sirve como antesala á XXXIV Mostra do Encaixe de Camariñas Deputación da Coruña e apreciar así o ben que funciona a fusión do encaixe de Camariñas coa moda contemporánea.
No desfile exhibíronse diferentes coleccións co encaixe aplicado de deseñadores como Esteban Freiría Jose Matteos, Joaquín Ruíz, Anamingo, Andion Clothing e Ana Cabranes. Dez modelos luciron as súas creacións.
A alcaldesa de Camariñas, Sandra Insua, e as concelleiras Encarna Liñeiro e Begoña Tajes, estiveron presentes neste desfile-exhibición.
GL_ES 
ES 
EN