A Mostra entrega agasallos con Encaixe no pazo provincial como símbolo de agradecemento

A concelleira de Encaixe, Encarna Liñeiro, e o concelleiro Sergio Caamaño, fixeron entrega dun obsequio ao presidente da Deputación da Coruña, Valentín González Formoso. Os edís colocaron en cadansúa butaca unha bolsiña con este detalle no interior no Salón de Plenos antes da celebración da sesión de onte, venres 1 de outubro.

A Mostra fixo entrega onte, 1 de outubro, duns agasallos de Encaixe no pazo provincial da Deputación da Coruña como símbolo de agradecemento pola implicación e o compromiso que este ente ten co evento camariñán.

A concelleira de Encaixe, Encarna Liñeiro, e o concelleiro Sergio Caamaño, fixeron entrega dun obsequio a seu presidente, Valentín González Formoso. Os edís colocaron tamén en cadansúa butaca unha bolsiña no Salón de Plenos cun detalle no interior e antes da celebración da sesión.

Nas imaxes podemos ver, ademais da entrega ao presidente, como recibían os agasallos deputados como José Manuel Pequeño ou José Ramón Rioboo. Desde a Mostra subliñan a “versatilidade da aplicación do Encaixe para obter produtos tan espectaculares como estas paxariñas”, inciden, á vez que “agradecemos a inestimable axuda e colaboración cun evento que cumprirá o vindeiro venres trinta anos á vangarda da moda”.

Pola súa banda, o presidente da Deputación, Valentín González Formoso, agradeciulles a Caamaño e Liñeiro “un detalle precioso, que amosa non só a beleza do Encaixe, tamén a solidariedade e detallismo do pobo camariñán”, e avanzou que “a nosa intención é seguir colaborando nun evento que é a proba de que a nosa artesanía e manufactura ten moita cabida neste mundo, cada vez máis tecnificado”.

Posts relacionados

41 promesas da moda participarán no XXXI Concurso de Noveis Deseñadores 

41 promesas da moda participarán no...

O Concello de Camariñas fixo pública hoxe, venres 15 de decembro, a lista das 41 persoas finalistas que participarán no…
Camariñas convoca as bases do XXXI concurso de Noveis Deseñadores da XXXIV Mostra do Encaixe

Camariñas convoca as bases do XXXI...

O prazo para presentar os traballos remata o 2 de decembro de 2024. Repartiranse 4.500 euros en premios, con galardóns…
Cristina Gamallo convértese na gañadora do XXX concurso de Noveis Deseñadores coa colección Camino

Cristina Gamallo convértese na gañadora do...

A xornada de clausura da XXXIII Mostra do Encaixe de Camariñas Deputación da Coruña serviu para coñecer aos gañadores do…
gl_ESGalego
Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidade