O son dos palillos, os reencontros e as gañas de pasalo ben enchen a IX Festa da Palilleira de Camariñas

Máis de 450 encaixeiras, chegadas de Galicia e doutros puntos de España, participaron nunha xornada que xirou ao redor do encaixe pero na que tamén houbo un mercado de Nadal e outros postos. “Por fin volvemos a recuperar un evento que para as que nos gusta o mundo do palillo é máis unha festa que outra cousa”, salientou Sandra Insua.
Redacción
Redacción

Equipo de prensa da Mostra do Encaixe de Camariñas

Tras dous anos de ausencia, a IX Festa da Palilleira de Camariñas volveu por todo o alto, con máis de 450 palilleiras chegadas desde diferentes puntos de Galicia e doutras partes de España (Soria, Asturias…) para desfrutar dun evento no que os protagonistas foron o son dos palillos, os reencontros e as gañas de pasalo ben.

Foron aínda moitas máis as persoas que se achegaron durante toda a xornada ao pavillón para ver de primeira man a arte do palillo e do encaixe de camariñas e, ademais, botar unha ollada ao Mercado de Nadal con comercios especializados en encaixe e tamén outras tendas locais e dos arredores, sumado aos stands das comisións de festas do Carmen, Xaviña e Ponte do Porto.

O son dos palillos, os reencontros e as gañas de pasalo ben enchen a IX Festa da Palilleira de Camariñas

Ademais, co obxectivo de implicar nesta festa a todos os veciños e veciñas de Camariñas, instalaronse hinchables durante toda a xornada e, pola tarde, realizouse o sorteo de dez chales de encaixe doados polas asociacións Rendas e Puntillas.

Na apertura da xornada a alcaldesa de Camariñas, Sandra Insua, deulle a benvida a todas as asociacións participantes e salientou que “por fin volvemos a recuperar un evento que para as que nos gusta o mundo do palillo é máis unha festa que outra cousa”. “Estou segura de que hoxe, despois de tanto tempo, é un día de reencontros para moitas de vós. Unha xornada para poñervos ao día, para contar as vosas vivencias e, sobre todo, para desfrutar ao redor dos palillos”, afirmou.

Ademais, a rexedora lembrou que “a Festa da Palilleira volve a ser a antesala da Mostra, o evento de referencia para todas e todos nós. Hoxe comezan a repenicar os palillos con ese son inconfundible que xa permanecerá neste pavillón ata Semana Santa”.

O son dos palillos, os reencontros e as gañas de pasalo ben enchen a IX Festa da Palilleira de Camariñas

Noticias relacionadas

Suscríbete a nosa newsletter

Entérate de todo o mundo da mostra

XXXII Mostra do Encaixe

Bases del Concurso de Jóvenes Diseñadores

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad