A recoñecida deseñadora Dolores Cortés estará presente no desfile de Grandes Deseñadores da XXXI Mostra do Encaixe de Camariñas Deputación da Coruña e anuncia, para a que será a súa quinta participación no evento, que presentará unha colección de traxes de baño “diferente de las anteriores y que creo que os gustará”.

A pesar de ter outros compromisos, Dolores Cortés xa forxou un vínculo con Camariñas e coa Mostra. “Me ilusiona que cuenten conmigo. Hacer bañadores con encaje no es habitual, supone para mí un desafío interesante”, explica.

Para a deseñadora foi “un descubrimiento exitoso o conxugar deseños de baño con encaixe” ata o punto de que “los incorporamos a un desfile de la pasarela Mercedes Benz Fashion Week Madrid”. Considera que o encaixe “aporta un punto artesanal, singular y diferenciador de otras colecciones de baño”.

A poucos días de que se corte a cinta de encaixe que dará inicio á trixésimo primeira edición da Mostra, que se celebrará de novo en Semana Santa do 13 ao 17 de abril, amósase ilusionada: “la experiencia de vivirla en pandemia me permite afirmar que todos tenemos ganas de Mostra y estoy segura de que será un éxito”.

Desfile de Dolores Cortés na XXX Mostra do Encaixe