O Combo Dominicano e Irma Macías actuarán na Mostra para recadar fondos para a investigación da ataxia

Tanto a orquestra como a cantante doarán á asociación STOP FA os cartos que paga o Concello pola súa actuación. Ademais no pavillón haberá un stand da asociación para facer compras ou donativos.

A programación da XXXI Mostra do Encaixe de Camariñas Deputación da Coruña incluirá os concertos solidarios do Combo Dominicano e Irma Macías, que estarán en Semana Santa en Camariñas co obxectivo de recadar fondos para a investigación da ataxia.

Tanto a orquestra, que actuará na clausura, como a cantante vimiancesa e vocalista de Luar na Lubre, que participará na xornada inaugural acompañada do guitarrista Xaquín Rama, doarán a asociación STOP FA, unha entidade que aglutina a persoas afectadas por esta doenza a nivel nacional, os cartos que paga o Concello pola súa actuación para contribuír a continuar coa investigación que se está a levar a cabo para avanzar no tratamento da enfermidade.

Esta iniciativa sae a raíz da petición que María Jesús González Souto, nai dun rapaz con ataxia e integrante de STOP FA, fai á alcaldesa de Camariñas, Sandra Insua, para articular algunha vía para recadar fondos para a asociación.

O Combo Dominicano e Irma Macías actuarán na Mostra para recadar fondos para a investigación da ataxia

“Todos temos claro que a Mostra do Encaixe de Camariñas é artesanía, tradición, moda ou vangarda, pero tamén é solidariedade, e por iso decidimos poñer o noso gran de area para botar unha man a estas familias que están a sufrir tanto pola falta de avances na investigación”, explica Sandra Insua.

María Jesús González adianta que, durante os 5 días da Mostra, terán un stand no que se poderán comprar diferentes prendas, produtos, rifas ou facer donativos dirixidos a STOP FA. Ademais, o Concello aportou un chal de encaixe, que se venderá neste posto solidario.

Posts relacionados

41 promesas da moda participarán no XXXI Concurso de Noveis Deseñadores 

41 promesas da moda participarán no...

O Concello de Camariñas fixo pública hoxe, venres 15 de decembro, a lista das 41 persoas finalistas que participarán no…
Camariñas convoca as bases do XXXI concurso de Noveis Deseñadores da XXXIV Mostra do Encaixe

Camariñas convoca as bases do XXXI...

O prazo para presentar os traballos remata o 2 de decembro de 2024. Repartiranse 4.500 euros en premios, con galardóns…
Cristina Gamallo convértese na gañadora do XXX concurso de Noveis Deseñadores coa colección Camino

Cristina Gamallo convértese na gañadora do...

A xornada de clausura da XXXIII Mostra do Encaixe de Camariñas Deputación da Coruña serviu para coñecer aos gañadores do…
gl_ESGalego
Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidade