30 anos na vangarda da moda
Deputación da Coruña

Camariñas premia a traxectoria de catro palilleiras que participaron nas 30 edicións da Mostra do Encaixe

Carmen Carrera, Matilde Isabel García, María Rosa Liñeiro e Carmen Bugallo, recibiron este recoñecemento. A concelleira de Encaixe, Encarna Liñeiro, enxalzou a figura das encaixeiras, ás que cualificou como “a peza máis importante”.
Redacción
Redacción

Equipo de prensa da Mostra do Encaixe de Camariñas

Share on whatsapp
Share on facebook
Share on linkedin
Share on twitter

Toda unha vida participando na Mostra do Encaixe de Camariñas Deputación da Coruña ten premio. E se non, que llo pregunten a Carmen Carrera, Matilde Isabel García, María Rosa Liñeiro e a Carmen Bugallo, que recibiron, esta mañá, o recoñecemento do Concello por ter participado nas 30 edicións do evento.

A entrega dos diplomas e agasallos ás encaixeiras correu a cargo da concelleira de Encaixe, Encarna Liñeiro, do concelleiro de Obras, Sergio Caamaño, da concelleira de Igualdade, Begoña Tajes, do edil de Deportes, Fabián Canosa, e da responsable de Comercio, Lara Pasantes. Durante a súa intervención, Liñeiro enxalzou o labor das palilleiras, ás que definiu como “a peza máis importante en todas as edicións da Mostra do Encaixe”. Pola súa banda, as homenaxeadas coincidiron en sinalar a “importancia que o evento, en xeral, e o encaixe, en particular, teñen nas súas vidas.

Actividades da tarde na XXX Mostra

A cuarta xornada da Mostra do Encaixe de Camariñas Deputación da Coruña está cargada de actividade. A pasarela Deputación da Coruña acollerá, ás 17.00 e 18.30 horas, os desfiles de Noveis Deseñadores, que contarán coa presenza do xurado desta edición, composto por varios deseñadores de renome: Dolores Cortés, que actuará como presidenta, Charo Carrillo, Edith del Valle, Claudina Mata, Inés Fernández e Esteban Freiría.

O peche deste luns, 11 de outubro, chegará ás 20.00 horas cun encontro entre grandes e noveis deseñadores.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad