Inés Fernández, novamente a “benxamina” das grandes firmas na Mostra do Encaixe Deputación da Coruña, repetirá participación coa súa colección de noiva.
Presentará catro traxes con siluetas diferentes para noiva, material que ela xa traballou con anterioridade. As súas composicións terán un toque azulado para o que será a súa segunda participación en Camariñas. “Para min é un auténtico privilexio poder estar por segundo ano consecutivo aquí, nun aniversario ademais, que sempre é moi especial”, comenta Inés.
Ademais, un total de 24 noveis deseñadores e deseñadores formarán parte do triséximo aniversario deste evento, no que se concursarán para facerse coa mellor colección neste ámbito.
Ester Álvaro, Nuria Aragón, Isabel María Conde, Lucía Forjanes, Anna García, Iria López, Rocío Molina, Alba Cobos, Joaquín Ruiz, Josu Santos, José Daniel Teriffe, Jaione Ventura, Sara Alonso, Flavia Cristina Alves, Beatriz Anido, Judith Martín, David Miguel Mato, rebeca Mercado, Violeta Paramio, Uxía Rodríguez, Candela Rodríguez, Alba Fernández, Naiara Veiras e Noelia Vila son os nomes que conformarán o elenco do XXVII Concurso de Noveis Deseñadores co clásico formato.
En dous grupos, A e B, presentaranse as coleccións de xeito anónimo e será o xurado composto por grandes nomes da moda quen deliberará para saber a que se alzará co premio, que precederá a Yolanda Román.
GL_ES 
ES 
EN