A Mostra do Encaixe de Camariñas Deputación da Coruña reúne, como de costume, grandes nomes do mundo da moda. A asturiana Ana Cabranes non podía faltar a esta cita, que presentará a súa colección “La notte rosa”, na que reflicte a súa personalidade e a versatilidade de cada unha das prendas. Participou no evento de xeito ininterrompido desde o ano 2003. Algúns dos seus looks forman parte da historia da Mostra, xa que figuraban en carteis de pasadas edicións.
“Xa van moitas edicións para min nesta Mostra do Encaixe de Camariñas Deputación da Coruña e considérome unha privilexiada por estar aquí e aportar o meu grao de area a este marabilloso mundo e a esta arte tan magnífica”, asegura Cabranes.
A deseñadora subliña que ano tras ano trata de incorporar o Encaixe do xeito que máis lle gustaría lucir a ela unha prenda, amosando a elegancia pero con contraste entre elementos que dean perfecta visibilidade a este tecido nas prendas.
“Creo que en canto aos meus deseños non son a máis revolucionaria, e quizais non chame a atención tanto como o fan outras grandes artistas, pero manteño a esencia que tiña na miña primeira andaina e isto fai que a prenda sexa especial en todos os sentidos”, asegura.
