Amaya Fernández estará presente na XXX Mostra do Encaixe

A deseñadora viguesa Amaya Fernández volverá amosar a súa identidade co Encaixe nos vestidos de noiva. Na novidosa sección ArtEncaixe tamén ocupará a pasarela a ONG Egueire.

A deseñadora viguesa Amaya Fernández volverá amosar a súa identidade co deseño de vestidos de noiva e a aplicación do Encaixe de Camariñas. Será a terceira participación de Fernández no evento dos bolillos, quen asegura estar “tremendamente ilusionada por volver a participar de xeito presencial, nunha Mostra especial en moitos sentidos”, alude.

Participará, como xa o fixo na edición de 2019, cos complementos elaborados por Charo López, que este ano participará na sección ArtEncaixe, nesta dupla que tan bo resultado dera a derradeira edición. “Decidimos volver á pasarela xuntas, aínda que ela o fará tamén como artesá, porque sinto que as súas composicións son a peza clave nos meus deseños”, di Fernández.

Amaya avanza que a súa colección será “algo menos tradicional que noutras edicións pero, por suposto, conservando a esencia dos vestidos de noiva aos que acostumo, e coa beleza que lle outorga o Encaixe de Camariñas”.

Por outra banda, a ONG Egueire participará na sección ArtEncaixe, entidade que naceu no 2008 como asociación de Cooperación para o Desenvolvemento en África, concretamente en Costa de Marfil, onde a ONG realiza na actualidade diferentes proxectos.

Posts relacionados

Máis talento para os desfiles de ArtEncaixe: Suso Calo – Lobo Tolo, Ondas do Mar e Mariví Santos Atelier 

Máis talento para os desfiles de...

O primeiro traerá á Pasarela Deputación da Coruña “unhas pezas inspiradas en deusas; será unha colección moi diferente a todas…
A olería de Buño retorna á Mostra do Encaixe con Feituras, O Rulo, Alfarería La Cacharrera e Risco Estudio

A olería de Buño retorna á...

Será na pasarela Deputación da Coruña, nos desfiles de ArtEncaixe, onde poidamos ver as creacións que combinan o Encaixe coas…
Lola Logaro, Ana Miguéns e Viviana Araujo sorprenderán no ‘ArtEncaixe’

Lola Logaro, Ana Miguéns e Viviana...

Lola Logaro presentará a súa colección ‘Prímula’, inspirada na primavera. Ana Miguéns chegará cunha colección de catro colares denominada ‘14’…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.