30 anos na vangarda da moda
Deputación da Coruña

Amaya Fernández estará presente na XXX Mostra do Encaixe

Amaya Fernández na XXX Mostra do Encaixe de Camariñas
Amaya Fernández na XXX Mostra do Encaixe de Camariñas
A deseñadora viguesa Amaya Fernández volverá amosar a súa identidade co Encaixe nos vestidos de noiva. Na novidosa sección ArtEncaixe tamén ocupará a pasarela a ONG Egueire.
Redacción
Redacción

Equipo de prensa da Mostra do Encaixe de Camariñas

Share on whatsapp
Share on facebook
Share on linkedin
Share on twitter

A deseñadora viguesa Amaya Fernández volverá amosar a súa identidade co deseño de vestidos de noiva e a aplicación do Encaixe de Camariñas. Será a terceira participación de Fernández no evento dos bolillos, quen asegura estar “tremendamente ilusionada por volver a participar de xeito presencial, nunha Mostra especial en moitos sentidos”, alude.

Participará, como xa o fixo na edición de 2019, cos complementos elaborados por Charo López, que este ano participará na sección ArtEncaixe, nesta dupla que tan bo resultado dera a derradeira edición. “Decidimos volver á pasarela xuntas, aínda que ela o fará tamén como artesá, porque sinto que as súas composicións son a peza clave nos meus deseños”, di Fernández.

Amaya avanza que a súa colección será “algo menos tradicional que noutras edicións pero, por suposto, conservando a esencia dos vestidos de noiva aos que acostumo, e coa beleza que lle outorga o Encaixe de Camariñas”.

Por outra banda, a ONG Egueire participará na sección ArtEncaixe, entidade que naceu no 2008 como asociación de Cooperación para o Desenvolvemento en África, concretamente en Costa de Marfil, onde a ONG realiza na actualidade diferentes proxectos.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad