Os derradeiros nomes que se confirman para participar nos desfiles de Grandes Deseñadores nesta XXX Edición da Mostra do Encaixe de Camariñas Deputación da Coruña son María Campaña, Bikkos e Xelis Luaces, que conformarán un cartel de gala para o triséximo aniversario.
María Campaña, a deseñadora local, é unha asidua á cita, onde tamén a acompañarán o muxián Xelis Luaces e Bikkos, este proxecto téxtil cuxa finalidade é aportar unha maneira de vestir con personalidade, a todas as persoas.
Sandra Amorote Workshop pecha as participacións na novidosa sección ArtEncaixe, un taller de artesanía na estampación, inspirado na puntilla de Camariñas. “O Encaixe de Camariñas merece unha destacada posición an nosa cultura”, anuncia Sandra, quen di que é “totalmente inspirador ver como cada persoa interpreta e dá forma ás súas pezas”.
GL_ES 
ES 
EN