Din algúns historiadores que, probablemente, o Encaixe de Camariñas teña a súa orixe nas relacións comerciais entre os portos galegos e os Paises Baixos dos séculos XVI e XVII. Outros estudiosos da historia comarcal optan pola teoría de que o encaixe chegou a Camariñas despois de que unha moza italiana fose rescatada polos veciños da vila despois dun terrible naufraxio na costa de Camariñas. Esta moza enseñaría despois a artesanía do bolillo italiano a todas as mulleres da vila espallándose esta arte por toda a Costa da Morte. Dun tempo a esta parte circula outra poética teoría que podería resumirse na idea de que serían as laboriosas mulleres que vivían no territorio que abrangue actualmente Camariñas as que desarrollaran nalgún momento esta arte exportandoa despois por outros territorios. Sabido por todo o mundo a alma viaxeira e emprendedora en busca dun porvir mellor que todo galego leva dentro desde tempos inmemoriais. Sexa como fora algunha destas teorías ten máis base científica que outras, así é todo deixamos a cada lector que as interprete á súa maneira. Despois desta pequeno aclaración sobre a orixe do Encaixe de Camariñas vamos a dar algunhas das claves sobre a Mostra do Encaixe de Camariñas.