Xabier Díaz e Adufeiras de Salitre, no concerto da XXXI Mostra do Encaixe de Camariñas

Xavier Díaz xunto aos representantes do Concello de Camariñas
Xavier Díaz xunto aos representantes do Concello de Camariñas
Será o sábado 16 de abril ás 22:00 horas na Praza do Mercado e, pola tarde, o pandereteiro fará un adianto sobre a pasarela da Mostra. Será o primeiro concerto ao aire libre deste ano para Xabier Díaz, que interpretará cancións do disco ‘As catedrais silenciadas’.
Redacción
Redacción

Equipo de prensa da Mostra do Encaixe de Camariñas

O recoñecido pandeireteiro galego Xabier Díaz e Adufeiras de Salitre serán os protagonista do concerto XXXI Mostra do Encaixe de Camariñas Deputación da Coruña, que se celebrará o sábado 16 de abril as 22:00 horas na Praza do Mercado da vila.

O artista estivo hoxe no Museo do Encaixe coa alcaldesa, Sandra Insua, a concelleira do Encaixe, Encarna Liñeiro, e os concelleiros Sergio Caamaño e Begoña Tajes para formalizar esta nova data na súa axenda. Alí a concelleira anunciou que, antes do concerto da noite, Xabier fará un pequeno adianto do seu repertorio sobre a pasarela da XXXI Mostra do Encaixe.

Esta será a primeira actuación ao aire libre deste ano 2022 para Xabier Díaz, que continúa así coa xira de presentación de ‘As Catedrais silenciadas’ (Músicas de Salitre 2020), o terceiro e máis recente traballo coas Adufeiras de Salitre, un álbum que reflexiona sobre o despoboamento, o abandono do rural e o risco de perdermos a identidade e a cultura propia nunha sociedade como a galega.

Noticias relacionadas

Suscríbete a nosa newsletter

Entérate de todo o mundo da mostra

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad