Os encaixeiros infantís recibirán na Mostra o libro ‘Un viaje por el espacio’ da camariñana Águeda Antelo 

A entrega deste agasallo terá lugar o sábado, 19 de abril, a partir das 13:30 horas tras o desfile do PequEncaixe. A autora creou este libro como traballo de fin de Máster sobre unha intervención no proceso de organización na escritura de contos nos nenos e nenas de Educación Infantil. Para levar a cabo o traballo previo de intervención estivo na aula de cinco anos nos colexios de Camariñas e Ponte do Porto.

Os nenos e nenas da Escola de Palillo municipal son o futuro do encaixe e da Mostra e por iso, ano tras ano, aprovéitase a Mostra do Encaixe de Camariñas Deputación da Coruña para recoñecer o seu traballo. Nesta ocasión recibirán un agasallo moi especial: o libro ‘Un viaje por el espacio’, da camariñana Águeda Antelo.

A entrega do agasallo, na que participará a propia autora, terá lugar o sábado, 19 de abril, a partir das 13:30 horas cando remate o sempre emocionante e divertido desfile do PequEncaixe.

O libro ‘Un viaje por el espacio’ surxe a raíz do Traballo de Fin de Máster de Águeda Antelo, que cursou Educación Infantil e logo fixo o Máster de Psicoloxía Aplicada a Contextos Educativos. O traballo consistía en facer unha intervención no proceso de organización na escritura de contos nos nenos e nenas de Educación Infantil e ela decidiu levala a cabo nas aulas de 5 anos dos colexios de Camariñas e de Ponte do Porto.

“Para facer o traballo necesitaba un tema que me dese moito material e por iso decidín escoller o espazo cos seus planetas, asteroides, marcianos… Foron 8 semanas de intervención no colexio de Camariñas e eu, cada día que chegaba, contáballes aos nenos e nenas un pouco da historia do meu libro e a partir de aí traballábamos diversas actividades relacionadas co espazo. Toda a intervención ía unida a unha historia coa que eles estaban familiarizados”, indica a autora.

Cartel da XXXIV Mostra do Encaixe
Cartel da XXXIV Mostra do Encaixe

Posts relacionados

Camariñas convoca as bases do XXXIII concurso de Noveis Deseñadores da XXXVI Mostra do Encaixe

Camariñas convoca as bases do XXXIII...

O prazo para presentar os traballos remata o 1 de decembro de 2026.  Repartiranse 4.500 euros en premios, con galardóns…
O Concello continúa a colaboración con Zara Home con dúas novas toallas con encaixe de Camariñas

O Concello continúa a colaboración con...

Por segunda ocasión, xurdiron dous produtos que xa están á venta: unha toalla de flocos e un set de dúas…
Unión histórica entre o Concello e Pull&Bear para crear unha colección cápsula con encaixe de Camariñas

Unión histórica entre o Concello e...

Sandra Insua, Encarna Liñeiro e a directora da Mostra, Dolores Lema, estiveron hoxe en Madrid, na Galería Belmonte, na presentación…
gl_ESGL_ES
Logo-XXXIV-Mostra-do-Encaixe-min
Visión xeral da privacidade

Este sitio web utiliza cookies para que poidamos ofrecerche a mellor experiencia de usuario posible. A información das cookies gárdase no teu navegador e realiza funcións como recoñecelo cando volves ao noso sitio web e axudar ao noso equipo a comprender que seccións do sitio web che resultan máis interesantes e útiles.