Os seis irmáns da banda deseñada máis famosos e famosas de Galicia, Os Bolechas, aprenderon hoxe, sábado 30 de marzo, a palillar na a XXXIII Mostra do Encaixe de Camariñas Deputación da Coruña. Carlos, Pili, Loli, Braulio, Sonia e Tatá coñeceron o arte do palillo.
Os Bolechas aproveitaron a súa visita para saír á pasarela cos máis pequenos no desfile de ‘PequeEncaixe’ e entregaronlles aos nenos e nenas da Escola Municipal de Palillo unha publicación especial, co encaixe como protagonista: ‘Os Bolechas veñen aprender a palillar en Camariñas’.
Ademais, realizaron a entrega de premios ás encaixeiras e encaixeiros infantís, a cativada que, ano tras ano, garante a transmisión xeracional desta centenaria e singular maneira de tecer os fíos e entender a vida.
Equipación patrocinada
Nesta mañá de sábado tamén se presentou a equipación do equipo feminino da Escola de fútbol Concello de Camariñas Juan Cabrejo, co patrocinio da Mostra do Encaixe. Desde agora, as futbolistas lucirán o lema ‘Camariñas Sorprende’ nas camisetas.
