Hoxe, venres 3 de abril, comezaron as presentacións literarias da Mostra do Encaixe de Camariñas Deputación da Coruña. O autor camariñán Diego Garrote foi o protagonista da terceira xornada do evento coa súa obra ‘Ángeles acusadores’.
‘Ángeles acusadores’ é a primeira dunha serie de novelas negras ambientadas na Costa da Morte e protagonizadas pola detective privada Nahiara Bermolen. Neste caso, a investigadora investiga quen está detrás dunha nota de chantaxe que ameaza con publicar fotos e vídeos comprometidos dunha adolescente de dazaseis anos.
Diego Garrote, que vive no Muíño do Vento (Camariñas), moi pretiño do Museo do Encaixe, explica que o lector que se adentre na súa obra atopará “unha novela de investigación moi entretida e directa, que non se anda con rodeos” e destaca que “para min é unha honra poder presentala no meu pobo e que a xente estea interesada nela”.
Próximas presentacións
A programación literaria continuará o sábado 4 de abril con dúas novas citas. Ás 11:40 horas, Alfonso de Sas presentará ‘1898 – El padre ausente’, a última parte da triloxía de ‘El Cementerio de los Ingleses’. Por último,12:00 horas, presentarase ‘A Costa da Morte, naturalmente única’ de Xan Fernández Carrera e Antonio Fernández, un acto que correrá a cargo de Pepe Formoso.
GL_ES 
ES 
EN