30 anos na vangarda da moda
Deputación da Coruña

Carlos Bardullas volve a sorprender na Mostra coa súa colección de tocados imposibles con motivos sociais

O estilista internacional da Ponte do Porto Carlos Bardullas
O estilista internacional da Ponte do Porto Carlos Bardullas
‘Sentimentos e emocións’ é o nome que escolleu o estilista, natural da Ponte Porto, para titular o desfile. O ArtEncaixe pechou a quenda da mañá de domingo e pola tarde haberá desfile de Grandes e Noveis Deseñadores e tamén volverá o ArtEncaixe.
Redacción
Redacción

Equipo de prensa da Mostra do Encaixe de Camariñas

Share on whatsapp
Share on facebook
Share on linkedin
Share on twitter

O estilita internacional Carlos Bardullas, natural da Ponte do Porto, deixou abraiado, outro ano máis, ao público da XXX Mostra do Encaixe de Camariñas Deputación da Coruña coa súa colección de tocados escultóricos imposibles feitos con pelo.

Para este ano Bardullas creou un desfile titulado ‘Sentimentos e emocións’, que se dividiu en tres partes. A primeira, ‘Son do Mar’, inspirada en Camariñas e nas súas xentes e representadas polas pezas ‘Alga’, ‘Concha’ e Brisa do Mar’.

A segunda, en homenaxe ao colectivo LGTBI, o estilista internacional ofreceu unha performance en vivo onde reivindica a tolerancia, o respecto a empatía, a xustiza, o amor, a diversidade e a liberdade de pensamento e de sentir.

Nunha terceira, a maxia, as emocións e os sentimentos uníronse para formar esta nova colección representada por ‘Pasión’, ‘Fortaleza’, ‘Armonía’ e ‘Euforia’.

Máis desfiles na XXX Mostra do Encaixe

A nova sección de ArtEncaixe foi a encargada de pechar a quenda de mañá deste domingo, 10 de outubro, terceira data da Mostra. Volveron a desfilar pola pasarela Amorote Workshop, Ana Miguens, Charo López Atelier, Egueire ONG, Estilo Aramar, Janet Schulz, La Parabólica de Julia de la Cal, Noelia Peña, Pilar Rodríguez de ‘En Lá’, Silvereia e Xelis LUaces. Todos artesáns e artesás que aplican o encaixe nas súas pezas.

Xa pola tarde, continuará a XXX Mostra do Encaixe co desfile de Grandes Deseñadores (17 horas) con: Amaya Fernández, Ana Cabranes, Bikkos, Claudina Mata, Dolores Cortés, Edith del Valle, Esteban Freiría, José Mateos, Lalacó Atelier, Sara Lage, e María Campaña, firma local.

Desde as 18:15 horas será a quenda para o XXVII concurso de Noveis Deseñadores, grupos ‘A’ e ‘B’, no que se repartirán un total de 4.500 euros en premios e participan 24 mozas e mozos que están a dar os primeiros pasos no mundo da moda.

Esta web utiliza cookies. Podes ver aquí a Política de Cookies. Se continúas navegando estás aceptandoa.    Ver
Privacidad