Hoxe, sábado 19 de abril, Alfonso de Sas e Ana García foron os encargados de poñer punto e final á ampla e variada programación literaria da XXXVI Mostra do Encaixe de Camariñas Deputación da Coruña.
O escritor Alfonso de Sas volveu á Mostra para presentar unha nova edición de ‘El Cementerio de los Ingleses’, unha obra inspirada nos feitos reais do naufraxio do HMS Serpent, da Royal Navy británica, na costa de Camariñas en novembro do 1890 e no que pereceron 172 tripulantes e só sobreviviron 3.
Por último, a fotoxornalista Ana García presentou a súa publicación ‘Mar de Ardora, Mar de Galicia’, un compendio de fermosas imaxes sobre a maxia que pode crear a bioluminiscencia mariña.
GL_ES 
ES 
EN