Continúan as confirmacións para o desfile de ‘ArtEncaixe’, neste caso con dúas artesáns que repiten na XXXIII Mostra do Encaixe de Camariñas Deputación da Coruña: Suso Calo e a firma local Ondas do Mar.
Suso Calo, especializado en artesanía en prata e talla, cree que “o encaixe aporta un plus de creatividade” ás súas creacións e pon de exemplo “os pendentes de encaixe con armazón en prata, unha peza case exclusiva para Camariñas”.
Este ano daralle “máximo protagonismo ao encaixe, non hai machadas pero por suposto que haberá algún complemento sorpresa” e salienta que a Mostra “é unha cita imprescindible para min a boa resposta que recibo do público”.
Pola súa parte, a camariñana Josefina Campaña, de Ondas do Mar, repite xa que “nunca pensei que a miña xente valorase tanto o meu traballo”. Sentinme valorada, querida e arroupada polo que volver á Mostra significa darlle mil grazas ao meu pobo”, afirma. D
“O meu encaixe de Camariñas, porque como camariñana eu fago o meu, aporta luz, vida, frescura e, sobre todo, innovación”, salienta Josefina Campaña, que adiante que este ano “ levarei á Mostra luz e vida, a través do noso encaixe. Non hai outra explicación”.
EN 
GL_ES 
ES