O deseñador vigués Esteban Freiría, afincado en Málaga, é un dos persoeiros que máis agarimo lle ten a Camariñas, sentimento que é mútuo, nunha comuñón que leva existindo desde hai 11 anos. Para a XXXIV Mostra do Encaixe de Camariñas Deputación da Coruña traerá ata a pasarela Sastrecillo valiente, unha homenaxe ao traballo de todas as modistas e xastres, desde un pequeno alfil aos patróns empregados.
Freiría emprega nun 90% teas recicladas, que combina co Encaixe para crear pezas únicas. “Aproveito anacos que teño doutras coleccións uníndoos, para intentar que o impacto fose cero”, sinala.
Nesta colección, o deseñador quixo resaltar a gravata masculina, e co Encaixe “fixen elementos clásicos e pezas máis modernas e sofisticadas, xa que non ten límite”, afirma Freiría, á vez que di sentirse tremendamente querido “nun lugar no que son eu mesmo e onde levo presentando coleccións desde hai máis dunha década, que ademais de ser cada ano moi diferentes ás anteriores, me centro tamén en investigar novas posibilidades para o Encaixe, adaptalo ao contexto actual pero mantendo sempre a esencia”.
EN 
GL_ES 
ES