A XXXIII Mostra do Encaixe de Camariñas Deputación da Coruña acolleu hoxe outras dúas presentacións, as últimas das catro que se celebraron durante o evento. Antonio Puertas e Manuel Vázquez foron os encargados de clausurar hoxe, venres 29 de marzo, esta programación literaria.
O camariñán, de Corea, Antonio Puertas Lema, presentou o seu libro ‘Camariñas meu curruncho, Beldoña miña barca’, un traballo literario inspirado en Camariñas e Abegondo, os dous municipios que están no corazón do autor. A obra ofrécenos unha xanela a tempos pasados e convídanos a ser partícipes das vivencias que deron forma á nosa comunidade. Antonio Puertas logra conectar xeracións e construír unha ponte entre o pasado e o presente.
Pola súa parte, Manuel Vázquez presentou a obra ‘O pracer da chuvia’, unha publicación que deu a coñecer en grandes cidades como Berlín. Este fermoso libro constitúe a viaxe interior do neno que foi, á procura da harmonía a través da xustiza, da fraternidade, simbolizadas no mundo rural da infancia.
ES 
GL_ES 
EN