Prensa

O encaixe internacional trae unha mestura de culturas á XXXIII Mostra do Encaixe de Camariñas

Chegan desde diferentes países: Bulgaria, Eslovaquia, Francia, Gran Canaria, Italia, Polonia, Portugal e República Checa. As voluntarias e voluntarios da Mostra son os encargados de lucir as súas creacións na pasarela.

A cultura é unha linguaxe internacional e o encaixe e a Mostra son un bo exemplo diso. Como é habitual, na XXXIII Mostra do Encaixe de Camariñas Deputación da Coruña, as ‘Delegacións de encaixeiras internacionais’ volveron saír á pasarela.

Desfilaron onte, venres 29 de marzo, por primeira vez e repetirán hoxe, sábado 30 de marzo. Participan: Bulgaria (Sofía), Eslovaquia (Krakovani), Francia (La Turballe), Gran Canaria (Ingenio), Italia (Gubbio), Italia (Novedrate), Italia (Trapani), Polonia (Bobowa), Portugal (Peniche), Portugal (Serra d’ el Rei), República Checa (Palickovani).

Son as voluntairas e os voluntarios da Mostra do Encaixe os encargados de lucir as súas creacións sobre a pasarela.