Press

Stands, postos internacionais e exhibicións artesás na XXXIII Mostra do Encaixe

No pavillón Víctor Vigo daranse cita persoas chegadas desde Bulgaria, Eslovaquia, Francia, Italia ou Polonia. As demostracións artesás serán dos oleiros de Buño, de Miyuki e torno de vidro. En clave solidaria, a Ataxia de Friedreich volverá a ter o seu espazo neste evento.

A Mostra do Encaixe de Camariñas Deputación da Coruña dará para moito, e o visitante poderá adquirir nos diversos postos de Encaixe de Camariñas enxoval doméstico, complementos de moda, souvenirs…

No pavillón Víctor Vigo, desde o 27 ao 31 de marzo, daranse cita persoas chegadas desde Sofía, Bulgaria; Krakovani, Eslovaquia; La Turballe, Francia; Ingenio, Gran Canaria; Gubbio, Novedrate e Trapani, Italia; Bobowa, Polonia; Peniche e Serra d’el Rei en Portugal e Palickovaní da República Checa.

Ademais, no eido solidario, estará presente outro ano máis a asociación STOF FA, unha entidade que aglutina a persoas afectadas pola Ataxia de Friedreich a nivel nacional, para contribuír a continuar coa investigación que se está a levar a cabo para avanzar no tratamento da enfermidade. Unha iniciativa que nace a partir da petición que María Jesús González Souto

No caso das demostracións, serán tres as que se poderán observar durante esta XXXIII edición: no posto de Artesanía NIA unha exhibición de Miyuki; no posto de Artesanía Corman, co torno de vidro e no da Olaría de Buño, obradoiro de barro o xoves 28 de marzo de 11:30 a 13:00 horas e de 17:00 a 18:30 horas.