Prensa

Stolt Sea Farm rubrica novamente o seu compromiso coa Mostra do Encaixe

A empresa de acuicultura Stolt Sea Farm confirma deste xeito outro ano máis a súa aposta pola Mostra do Encaixe da vila das palilleiras, onde posúe unha das súas plantas máis importantes.

A concelleira de Encaixe do Concello de Camariñas e Delegada da Mostra, Encarna Liñeiro, e Carlos Tavares, o director de Sustentabilidade de Stolt Sea Farm, a empresa de acuicultura de alta tecnoloxía, reuníronse esta mañá para rubricar novamente o compromiso desta organización coa Mostra do Encaixe de Camariñas Deputación da Coruña.

Dende o Concello de Camariñas e en particular dende a organización da Mostra, quérese agradecer aos responsables de Stolt Sea Farm a total “implicación, compromiso e apoio” a este evento para que “poida continuar na vangarda da moda outros 30 anos máis”.